АҞӘА, ԥхынгәы 21 - Sputnik. Аконституциатә ӡбарҭа Автоматикатә аӡбарҭа-информациатә система рыӡбарҭеиҿкаара иаларымгаларц аҳәара ҟанаҵеит Жәлар Реизара аҿаԥхьа. Абри атәы арадио Sputnik аинтервиу аҭо илҳәеит Аконституциатә ӡбарҭа ахантәаҩы Лиудмила Хоџьашвили.
"Ҳара ҳҟны иаҭахны изыҟои? Ҳара ҳус уи аҟара ирацәаӡам. Хәҩык ҳаҟоуп. Ҳаидтәаланы ҳус еицынаҳагӡоит - Аконституциатә закәан ахь аԥсахрақәа", - лҳәеит Хоџьашвили.
Лара лажәақәа рыла, Аконституциатә ӡбарҭаҿы Автоматикатә аӡбарҭа–информациатә система аламгалара аӡбарҭеиҿкаара алахәылацәа рзинқәеи рхақәиҭрақәеи ирԥырхагам. Иара убри аан Автоматикатә аӡбарҭа–информациатә система ахархәара иазырхоу аԥарақәа маҷымкәа аекономиа рзухоит.
Автоматикатә аӡбарҭа–информациатә система – ари иаку технологиатә платформоуп, иахықәкы хаданы иҟоу аӡбаҩцәеи аӡбареиҿкаара алахәылацәеи релектронтә еимадара аиҿкаареи аӡбарҭатә система аҩаӡарақәа зегьы рыбжьара аелектронтә еимадара еиҿкаареи роуп.
2012 шықәсазы ихацыркыз аӡбарҭатә система аиҭакрақәа еиҳа ихадароу акәны аус адулара иалагеит аӡбарҭақәа рҿы аӡбарҭа-аинформациатә система. Аха иара ахархәара аҿҳәара изныкымкәа инахахьеит.