АҞӘА, ԥхынгәы 21 - Sputnik. Аԥсны Жәлар Реизара Аконституциатә ӡбарҭахь азҵаара нанашьҭуеит Пицундатәи аҳәынҭдача амазаратә комплекс Урыстәыла аҭараз аиқәшаҳаҭра агәаҭаразы. Абри атәы аанацҳауеит Апарламент апресс-маҵзура.
"Жәлар Реизара-Апарламент ақәҵара аднакылоит: 1. Аԥсны Аконституциатә ӡбарҭахь азыҳәа нашьҭызарц Аԥсны Аконституциеи аҳәынҭқарратә дача Урыстәылатәи Афедерациа аҭарази ахархәарази Москва ажьырныҳәа 19, 2022 шықәсазы нап зҵаҩыз Аиқәшаҳаҭреи реишьашәалара аилыргаразы", - ҳәа аҳәоит адырраҭараҿы.
Ақәҵара амчра аиуеит ианрыдыркыла инаркны.
Аҳәынҭқарратә дача "Пицунда" амазаратә комплекс Урыстәыла аҭаразы аиқәшаҳаҭра анапы аҵаҩын 2022 шықәса ажьырныҳәамзазы.
Адокумент асоциалтә ҳақәа рҿы ицәырган аимак-аиҿакгьы ахылҿиааит ауааԥсыреи аполитикатә партиақәеи рыбжьара. Аԥсны ахада иажәақәа рыла, адокумент аҿы зыӡбахә ҳәоу адача аҵакыраҿ игылоу амазаратә комплекс ауп, адгьыл аҭара аӡбахә зынӡагьы иҟаӡам.