АҞӘА, ԥхынгәы 24 - Sputnik. Аҟәа Џьонуа имҩаду ахәҭак амашьынақәа рныҟәаразы иаркызаауеит ԥхынгәы 25 азы, абри атәы аанацҳауеит ақалақь ахадара апресс-маҵзура.
Амҩа акаҭран аҩбатәи аҿыгҳара ахьықәырҵо иахҟьаны Џьонуа имҩахәҭак аркызаауеит - Ӡиӡариа имҩа инаркны Гәлиа имҩа аҟынӡа.
Амҩақәа реиҭашьақәыргыларатә усурақәа мҩаԥысуеит 2020-2022 шықәсазтәи Аԥсны Асоциал-економикатә ҿиара ацхрааразы Аинвестпрограмма аҳәаақәа ирҭагӡаны.