АҞӘА, ԥхынгәы 26 – Sputnik. Иҳаҩсыз уахыки-ҽнаки рыла Краснодартәи атәылаҿацә аҟны 33 COVID-19 хҭыс аарԥшуп. Абри атәы аанацҳауеит атәылаҿацә аоперштаб.
Ичмазаҩу рҟынтәи 18-ҩык ҳәсоуп, 15-ҩык хацәоуп, ҩыџьа хәыҷқәоуп. Қәрала 6 -85 шықәса ирыбжьаркуеит. Аҵыхәтәантәи уахыки-ҽнаки рыла ԥсыҭбара ашәҟәы иҭагалам.
Краснодар акоронавирус рыдбалоуп 20-ҩык, Анапа – 5, Шәача – 3. Красноармеиск, Крымск, Кушьчевск, Новокубанск, Тҟәаԥстәи араионқәа рҿы – аӡәаӡәа.
Аҵыхәтәантәи амчыбжь азы Урыстәыла аҿкчымазара зыдбалоу рхыԥхьаӡара 48,9% рҟынӡа еизҳаит, ҳәа аанацҳауеит аоперштаб.
Роспотребнадзор ауааԥсыра рахь ааԥхьара ҟанаҵуеит ахыхьчаратә ԥҟарақәа ирықәныҟәаларц, алаҵа ҟарҵаларц.