Апарламент 2021 шықәса абиуџьетнҭыҵтә фондқәа рбиуџьет шьақәнарӷәӷәеит

19:40, 27 Ԥхынгәы 2022

Хәажәкырамзазы Аминистрцәа реилазаара амҩатә, атәанчахәытә, Аџьынџьтәылатә еибашьра аинвалидцәа, Хымԥадатәи амедицинатә ԥгаԥсеи асоциалтә ԥгаԥсеи, Арепатриациеи рфондқәа рбиуџьетқәа рынагӡараз азакәанқәа рыпроект ибзиоуп ҳәа иашьеит.

Sputnik

АҞӘА, ԥхынгәы 27 – Sputnik, Асмаҭ Ҵәыџьԥҳа. Апарламент 2021 шықәса абиуџьетнҭыҵтә фондқәа рбиуџьет шьақәнарӷәӷәеит ԥхынгәы 27 рызтәи аилатәараҿы.

Хымԥадатәи амедицинатә ԥгаԥса афонд 2021 шықәсазы алагала 43 миллиони 958 нызқь мааҭ артәеит, аныхрақәа – 41 миллиони 973 нызқь мааҭ, 2022 шықәса ажьырныҳәа 1 азтәи ацәынха – 2 миллионки 739 нызқь мааҭ.

Асоциалтә ԥгаԥсеи аџьа ахьчареи рфонд 2021 шықәсазы алагала 119 миллиони 18 нызқьмааҭ артәеит, аныхрақәа – 111 миллиони 926 нызқь мааҭ, 2022 шықәса ажьырныҳәа 1 азтәи ацәынха – 13 миллиони 775 нызқь мааҭ.

Аԥсны

Адепутатцәа 2021 шықәсазтәи ареспубликатә биуџьет шынагӡоу азы аҳасабырба рыдыркылеит

27 Ԥхынгәы 2022, 15:27

Амҩатә фонд 2021 шықәсазы алагала 117 миллиони 204 нызқь мааҭ артәеит, аныхрақәа – 127 миллиони 198 нызқь мааҭ, 2022 шықәса ажьырныҳәа 1 азтәи ацәынха – 12 миллиони 833 нызқь мааҭ.

Арепатриациа афонд 2021 шықәсазы алагала 183 миллиони 506 нызқь мааҭ артәеит, аныхрақәа - 151 миллиони 92 нызқь мааҭ, 2022 шықәса ажьырныҳәа 1 азтәи ацәынха – 117 миллиони 92 нызқьмааҭ.

Аџьынџьтәылатә еибашьра аинвалидцәа рфонд 2021 шықәсазы алагала 142 миллиони 24 нызқь мааҭ артәеит, аныхрақәа– 140 миллиони 559 нызқь мааҭ, 2022 шықәса ажьырныҳәа 1 азтәи ацәынха – 16 миллиони 429 нызқь мааҭ.

Атәанчахәытә фонд 2021 шықәсазы алагала миллиардки 211 миллиони 138 нызқьмааҭ артәеит, аныхрақәа – миллиардки 215 миллиони 907 нызқь мааҭ, 2022 шықәса ажьырныҳәа 1 азтәи ацәынха – 17 миллиони 118 нызқь мааҭ.