АҞӘА, ԥхынгәы 30 – Sputnik. Урыстәыла адәныҟатәи аусқәа рминистр Сергеи Лаврови ЕАА аҳәынҭқарратә маӡаныҟәгаҩ Ентони Блинкени ҭелла ианеицәажәоз Украина имҩаԥысуа арратә операциа ҷыда ацашьа иазааҭгылеит, абри атәы аанацҳауеит РИА Новости, Урыстәыла ААР апресс-маҵзура адыррақәа шьаҭас иганы.
Адәныҟаполитикатә усбарҭа ахадацәа иахьазы Украина иҟоу аҭагылазаашьа иазааҭгылеит. Аминистр иҳәеит урыстәылатәи аган Донецктәии Лугансктәии Жәлар Рреспубликақәа рҟны имҩаԥырго арратә операциа ахықәкқәа зегьы шынанагӡо, извымсуа аҭагылазаашьақәа ртәы азгәеиҭеит", - аҳәоит адырраҭара.
Урыстәылатәи аминистр иара убас иҳәеит, Украинаҟа америкатәи НАТОтәи абџьар анашьҭра аимак еиҳагьы "амца шацранаҵо, аԥсҭбарақәа шырацәахо".
Аганқәа алацәажәеит Урыстәылеи Украинеи рытҟәацәа реимдара, афатә азы еиқәшаҳаҭра анагӡара, акризис ӷәӷәа иҭагылоу урыстәыла-америкатәи еизыҟазаашьақәа.
Ентони Блинкен аиҿцәажәарақәа "гәаартыла" имҩаԥысит ҳәа ахиҳәааит.