АҞӘА, нанҳәа 1 - Sputnik. Арыц зқәу раԥхьатәи аӷба украинатәи абаӷәаза ннажьит москватәи аамҭала асааҭ 8:30 рзы, абри атәы аанацҳауеит РИА Новости Ҭырқәтәыла атәылахьчара аминистрра адыррақәа шьаҭас иганы.
"Уаанӡатәи аиқәшаҳаҭра инақәыршәаны Сиерра-Леоне абираҟ иаҵагылоу аӷба Razoni, џьықәреила иҭәны Одессатәи абаӷәаза иҭыҵуеит асааҭ 08.30 рзы Ливанҟа ахы рханы", - аҳәоит адырраҭараҿы.
РИА Новости адырра азҭаз Стампылтәи акоординациатә центр ахаҭарнак иажәақәа рыла, аӷба амҩа аспутникқәа рыла иашьклаԥшуеит.
Ԥхынгәы 22 азы Урыстәыла, Ҭырқәтәыла, Еиду амилаҭқәа реиҿкаара урыстәылатәи аалыҵқәа аекспорт ахь рынашьҭразы иҟаз аԥкарақәа раԥыхрази украинатәи арыц алгара ацхраарази аилаӡара рнапы еицаҵарҩит.
Иазгәаҭоуп, украинатәи арыц Амшын еиқәала амҩангара мҩаԥыслоит еицеиқәшаҳаҭны иазԥырҵәаз ишәарҭадоу амҩа ала — Одесса, Черноморск, Иужныи абаӷәазақәа рыла.