АҞӘА, нанҳәа 10 – Sputnik. Аԥсны Аҳәынҭқарраҟны Урыстәылатәи Афедерациа азинмчнагӡеи анапынҵа ҷыдақәеи змоу ацҳаражәҳәаҩ Михаил Шургалини Аԥсны атәылахьчара аминистр Владимир Ануеи еиԥылеит. Абри атәы аанацҳауеит ацҳаражәҳәарҭа апресс-маҵзура.
Аицәажәараҟны аганқәа азааҭгылеит атәылахьчара ахырхарҭала аурыс-аԥсуа ганқәа русеицура", - аҳәоит адырраҭара.
Михаил Шургалин Аԥсны иҟоу Урыстәыла ацҳаражәҳәаҩс дҟаҵан лаҵара 31 2022 шықәса рзы. Иара Аԥсны Урыстәыла ацҳаражәҳәаҩс дҟарҵаанӡа аус иуан Урыстәыла Адәныҟатәи аусқәа рминистрра Ихьыԥшым амилаҭқәа реидгыла атәылақәа ирызку Аԥшьбатәи адепартамент аиҳабы ихаҭыԥуаҩс.