АҞӘА, нанҳәа 17 - Sputnik. 10-тәи Ашьхарыуаа рышкол аԥхьа ииасуа афымца аҳауатә цәаҳәақәа адгьылаҵатә цәаҳәақәа рыла ирыԥсахуеит ҳәа аҳәоит ақалақь ахадара асаит.
Аусурақәа мҩаԥгахоит аҳҭнықалақь ахада Беслан Ешба инапхгарала, аҭоурыхтә хыбра ахаҿра акы аԥырхагамхо иҟаларазы.
Аҟәатәи афымцаҳақәа русбарҭа аиҳабы Ҭемыр Џьынџьал ишиҳәо ала, ари зыхә дуу, иагьымариам усуп. Аусурақәа мҩаԥгахоит Аҟәа ахадара ахарџь ала.
Уажәтәи аамҭазы ахаҳәҟьаԥс анықәырхуа аусуцәа иаразнак адгьылаҵатә цәаҳәақәагьы ыҵарҵоит, анаҩс аҳауатә цәаҳәақәа рԥсахуеит.