АҞӘА, нанҳәа 17 - Sputnik. Аԥсны акоронавирус аламырҵәара иақәнарӡит 1 миллиард 70 миллион мааҭ, урҭ рахьтә 1 миллиардки 20 миллиони - ахатә биуџьет аҟынтәи.
Абри азы адырра ҟаиҵеит атәыла ахада Аслан Бжьаниа Ауаажәларратә палата алахәылацәа нанҳәа 17 рзы данырԥылоз.
Бжьаниа иажәақәа рыла, акоронавирус апандемиа ҵысыижьҭеи Аԥсны иаадырԥшит 54,5 нызқь акоронавирустә хҭыс, ирхәышәтәит 693-ҩык, зыԥсҭазаара иалҵит рыхәҭа 1,3% иҟоу.
СOVID-19 злаз апациентцәа рхәышәтәуан 800-ҩык амедикцәа.
Уажәы Гәдоуҭатәи ахәшәтәырҭаҿы ишьҭоуп акоронавирус злоу ачымазцәа 12-ҩык.