Берлин иҟоу Аԥсны ахәаахәҭра-ааглыхратә палата аофициалтә хаҭарнак Вольфганг Матцке, асааҭқәа рҭыжьратә фирма "Асканиа" имҩаԥнагаз ахәылԥаз аан Аԥсны ӡыригеит.
Хынтәуп "Аскани" афирма имҩаԥнаго ахәылԥазқәа Аԥсны рылахәиужьҭеи, ҳәа азгәалҭеит аиҿцәажәараҿы Амҷԥҳа.
"Ахәылԥаз иалахәын аекономика знапы алаку ауаа. Анемец, англыз бызшәала иҟоу Аԥсны иазку абуклетқәа даара аинтерес аарԥшны ирыԥхьон. Акырӡа аҵанакуеит уа иҟаз асасцәа Аԥсны абара ахьырҭаххаз, аекономикатә еимадарақәа рыбжьараҵаразы азҵаарақәа рҭиуан", - еиҭалҳәеит Амҷԥҳа.
Германиа иҟоу Аԥсны ахаҭаранак илҳәеит, егьырҭ Германиа иҟоу еиуеиԥшым еицырдыруа афирмақәа имҩаԥырго аӡыргарақәа рҿы рхы шрыладырхуа.
"Иахьала ҳахьыҟоу атәылаҿы, иара убас егьырҭ Европа атәылақәа рҿы ак амҩаԥгара ҩынтәны-хынтәны иуадаҩуп. Ақәыӷәӷәара рацәоуп. Хаҭала иалахәугьы ақәыӷәӷәара анаҳзыҟарҵо ыҟоуп. Даара аҵак ду амоуп иахьа ҳара ҳреспублика аӡбахә анагара. Абас еиԥш иҟоу амҩақәа рыла еиҳагьы аинтерес рызцәырнагоит. Аполитика аганахьала ианыуадаҩу Аԥсны аӡбахә аҳәара, иҟоуп альтернативатә мҩақәа", - лҳәеит Амҷԥҳа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.