АҞӘА, нанҳәа 25 – Sputnik, Бадраҟ Аҩӡба. Аԥсни Шьамтәылеи рыдәныҟаполитикатә усбарҭақәа рхадацәа Инал Арӡынбеи Феисал Микдади аиҿцәажәарақәа реихшьаала ҟарҵеит.
Арӡынба иажәақәа рыла, рыдәныҟаполитикатә усбарҭақәа рхадацәа русутә еицәажәарақәа лҵшәа бзиала ихыркәшан, аганқәа аполитикатә констультациақәа рзы Амеморандум рнапы аҵарҩит.
"Ҳара ҳамчрақәа еидаҳҵоит Иаагәоу Мрагылара ахырхарҭаҟны аҟны ҳусура арҭбаара, уи инаҷыданы Мрагылара Ааигәа анҭыҵ иҟоу аҩыз-ҳәынҭқаррақәа аус рыцурагьы", - иҳәеит аминистр.
Уи адагьы Инал Арӡынбеи Феисал Микдади аицҳәамҭа ҟарҵеит. Уи аҳәаақәа ирҭагӡаны иазгәаҭоуп жәларбжьаратәи аҭагылазаашьа аганахь ала рпозициа хадақәеи ҩ-ганктәи реинырра ауси.
"Ҳтәылақәа адгылара арҭоит Украина имҩаԥысуа арратә операциа ҷыда, ҳара Урыстәылатәи Афедерациа ҳадгылаҩуп. Иазаҳаԥхьаӡоит аоперациа ҷыда еиҳа ииашоу адунеитә еиҿкаара ашьақәыргылара иазырхоуп ҳәа", - иҳәеит Арӡынба.
Шьамтәыла Адәныҟатәи аусқәа рминистр иҳәеит итәылеи Аԥсни реизыҟазаашьақәа рырҿиара аус аҟны иахәҭаны иҟоу ацхыраара шымҩаԥгахо, иазгәеиҭеит Шьамтәыла инхоз аԥсуа диаспора рхаҭарнакцәа адунеитә терроризм иаҿагылан ишеибашьуаз.
"Еиду Америкатәи аштатқәеи урҭ Европатәи рҩызцәеи рахь ааԥхьара ҟаҳҵоит рқәыларақәа ааныркыларц, Украина аҵакыраҿы аибашьра аамҭа аиҵыхраз рҽазышәарақәа ирҟәаҵырц", - иҳәеит Микдад.
Аиԥылара ахырқәшамҭаз Аԥсни Шьамтәылеи рыдәныҟаполитикатә усбарҭақәа рхадацәа агәаларшәагатә ҳамҭақәа еимырдеит.