АҞӘА, нанҳәа 26 - Sputnik. Лугансктәи Жәлар Рреспублика ахада Леонид Пасечник Аԥсни Аахыҵ Уаԥстәылеи Рхьыԥшымрақәа разхаҵара амш рыдиныҳәалеит. Адныҳәалара кьыԥхьуп Пасечник иофициалтә Telegram-канал аҿы.
"Иахьатәи аамҭазы Аԥсни Аахыҵ Уаԥстәылеи аҿиарамҩа иаша иану зинтә ҳәынҭқаррақәоуп, дара ртәылауаа рзы аизҳазыӷьареи ашәарҭадареи иргарантуп", - ҳәа ануп адныҳәалараҿы.
Пасечник иазгәеиҭеит Урыстәылатәи Афедерациа анапхгара Аԥсни Аахыҵ Уаԥстәылеи рхьыԥшымрақәа азханаҵеит жәларбжьаратәи аилазаара ақәыӷәӷәара ду шыҟанаҵозгьы, ДЖәРи ЛЖәРи рхьыԥшымрақәа аназханаҵоз ишыҟаз еиԥш.
Иара иацҵаны иҳәеит аибашьра иалҵыз аҩреспубликакгьы Донбасс зҭагылоу арыцҳара ишақәҿырҭыз, ЛЖәР урҭ иҟарҵаз адгылара ахә ҳаракны ишашьо.
Аԥсны Ахьыԥшымра азхаҵара амш Аԥсны иазгәарҭоит нанҳәа 26 рзы. Атәыла ауааԥсыра ари аныҳәа рыдиныҳәалеит атәыла ахада Аслан Бжьаниа, Апарламент аиҳабы Лаша Ашәба, Аԥсни Шьамтәылеи рыдәныҟатәи аусқәа рминистрцәа.