АҞӘА, нанҳәа 26 - Sputnik. Росавиациа Урыстәыла агәҭеи аладатәи ақалақьқәеи рбаӷәазақәа 11 рахь аԥырразы иаланагалаз аԥкрақәа рыҿҳәара иацҵоуп цәыббра 4 рҟынӡа. Абри атәы аанацҳауеит аусбарҭа а-Телеграм-канал.
"Аамҭала зусура ԥку аҳаирбаӷәазақәа ирыҵанакуеит Анапа, Белгород, Брианск, Воронеж, Геленџьықь, Краснодар, Курск, Липецк, Ростов-на-Дону, Симферополь, Елиста", - ҳәа ануп адырраҭараҿы.
Авиаеилахәырақәа ирабжьагоуп Шәача, Аминералтә ӡқәа, Волгоград, Ставрополь, Москва рҟны аҳаирбаӷәазақәа ахархәара рыҭалазарц, урҭи егьырҭ аҳаирбаӷәазақәа реиԥш, аус шыруц ируеит.
Украина урыстәылатәи арратә операциа иалагеижьҭеи аҳаирбаӷәазақәа шәарҭоуп ҳәа ишьаны, Росавиациа Урыстәыла агәҭеи аладатәи ақалақьқәеи рахь аԥырразы аԥкрақәа аланагалеит, уиижьҭеи есымчыбжьа аҿҳәара иацнаҵоит.