АҞӘА, нанҳәа 29– Sputnik. Аԥсуа ҳазалхыҩцәа ахылаԥшра аҭыԥаҿы аҳазалхырҭатә ҭыԥ "Ԥсоу" аҟны Аԥсныҟа амаининг-аппаратқәа ралагалара аԥдырҟәҟәааит. Абри атәы аанацҳауеит Аԥсны Аҳазалхратә еилакы апресс-маҵзура.
108 цыра амаининг-аппаратқәа ԥшаан Урыстәылантәи Аԥсныҟа аҳәаа иахыҵуаз атәылауаа Р.Ш. Ҭыжәбеи Е.Ч. Кәаӡбеи рмашьынақәа ргәаҭараан.
Аппаратқәа рымхын, административтә зинеилагараз аматериалқәа нашьҭуп Аԥсны Аҳәынҭқарра Аҳазалхратә еилакы аҳазалхратә ҭҵаарақәа рыҟәшахьы.