АҞӘА, цәыббра 6 - Sputnik. Аԥснытәи аԥқьаҭасыҩ Нестор Цужба Урыстәылатәи аԥқьаҭасратә тур "Москватәи аԥқьаҭасра Академиа Ахраҿа" аҟны даиааиит, абри атәы аанацҳауеит аҿари аспорти русқәа рзы Аҳәынҭеилакы.
"Нестор ԥшь-еикәшарак дырхысны афинал ахь днеиит. Дииааиит индаҭлоз Хабаровскынтәи аԥқьаҭасыҩ. Абас ала атурнир аҿы даиааиит", - лҳәеит аспортсмен иазыҟаҵаҩ Елизабет Акуциаԥҳа.
Аԥсуа аԥқьаҭасыҩ қәыԥш Нестор Цужба Александр Островски и-Академиеи иареи аиқәшаҳаҭра рыбжьоуп.
Нестор Цужба 2022 шықәса раахыс аԥқьаҭасразы ареитингтә еицлабраҟны дыхәмаруеит. Ахәмарра даналагоз 450-тәи ацәаҳәаҟны дыҟан, иахьатәи аамҭазы 2013 шықәсазы ииз рыбжьара аԥхьахә ҭыԥ аанызкыло хҩык рыбжьара дыҟоуп.