АҞӘА, цәыббра 6 - Sputnik. Афедералтә медико-биологиатә маҵзура аус аднаулеит ҳаамҭазтәи алаҵа – амаамынқәа рцәырԥшӡа аҿагылара зылшо. Уажәы иара аклиникаԥхьатә ҭҵаарақәа ирхысуеит ҳәа аанацҳауеит РИА Новости ФМБА аиҳабы Вероника Скворцова лажәақәа шьаҭас иганы.
"Аус адулоуп ҳаамҭазтәи алаҵа – амаамынқәа рцәырԥшӡа аҿагылара зылшо. Уажәы иара аклиникаԥхьатә ҭҵаарақәа ирхысуеит ", - лҳәеит Скворцова.
Амаамынқәа рцәырԥшӡа вирустә ҿкыроуп. Ачымазара мчыбжьқәак рыла иухугоит, аха ахьанҭара анацугьы ыҟоуп, аԥсыҭбара аҟынӡа. Иааидкылан ари ачымазара ауаҩ изы имарианы имҩасуеит.
Ауаҩы иҟынтәи ауаҩ иахь аҿкра аиасра азгәаҭоуп. Авирус акырмчыбжь иузгәамҭакәа аӡәы иҟынтә аҽаӡә иахь ииасуазар ауеит. Аԥхьа ашоура уҭанаршәуеит, ажьышә ахьра, абӷашшара ахьра, ақыџьқыџьра ацуп. Уҵыӡәӡәаа уҟанаҵоит. Аԥхьанатә ахаҿаҿы ицәырҵуа ақәыԥсарақәа анаҩс уцәеижь зегьы ахь ииасуеит.