АҞӘА, цәыббра 17 – Sputnik. Аԥсни Урыстәылеи рыбжьара ҩ-тәылауаҩрак рзы Аиқәшаҳаҭра анапы аҵаҩра азгәаҭоуп Москва цәыббрамза анҵәамҭазы ҳәа иҳәеит Аԥсны Адәныҟатәи аусбарҭа аиҳабы Инал Арӡынба Ауаажәларратә хеилак аилатәараҿы.
Анапы аҵаҩра мҩаԥысран иҟоуп Аԥсни Урыстәылеи Адәныҟатәи аусбарҭақәа реиҳабацәа рыҩаӡарала.
Аиқәшаҳаҭра иалнаршоит Аԥсны атәылауаа урыстәылатәи атәылауаҩра ирмарианы аиуразы.
Цәыббра 9 рзы Владимир Путин Урыстәыла адәныҟатәи аусқәа рминистррахь анапынҵа ҟаиҵеит Аԥсни Урыстәылеи рыҩтәылауаҩрак рхархәараз Аиқәшаҳаҭра нап аҵаҩызарц.