АҞӘА, цәыббра 20 - Sputnik. Запорожтәии Херсонтәии аобластқәеи Лугансктәии Донецктәии жәлар рреспубликақәеи рҿы ареферендум аамҭаказы имҩаԥгахоит - цәыббра 23-27 рзы, абри атәы аанацҳауеит РИА Новости арегионқәа рхадацәа Евгени Балицки Владимир Рогови ражәақәа шьаҭас иганы.
"Агәра згоит, Херсонтәи аобласт Урыстәыла иадлар ҳҵакыраҟны аҭынчреи аҭоурыхтә иашареи шьақәгылоит ҳәа", - абас Telegram идаҟьаҿы иҩуеит Херсонтәи аобласт ахада Владимир Сальдо.
Урыстәыла алаларазы ареферендумқәа аамҭак ала имҩаԥгахоит Лугансктәии Донецктәии жәлар рреспубликақәа рҿы цәыббра 23 инаркны 27 рҟынӡа.
Аоперациа ҷыда амҩаԥгараан урыстәылатәи аруаа Херсонтәи аобласти Украина аладахьы иҟоу Запорожтәи аобласт Азов иаԥну ахәҭеи рнапахьы иааргеит. Арегионқәа рҿы арра-граждантә напхгарақәа аԥҵоуп, урыстәылатәи ателеканалқәеи арадиостанциақәеи ддырбо иалагеит, Ҟрыми дареи рыбжьара ахәаахәҭратә еимадарақәа реиҭашьақәыргылара иаҿуп. Зых иақәиҭтәу аобластқәа Урыстәылатәи Афедерациа иалаларц шырҭаху азы аҳәамҭақәа ҟарҵахьеит.