АҞӘА, цәыббра 26 - Sputnik. Мелитополь автомашьына ԥыржәеит ҳәа ааицҳауеит аиҿкаара "Мы вместе с Россией" ахантәаҩы, Запорожтәи аобласт ахадара ахеилак алахәыла Владимир Рогов. Абри атәы аанацҳауеит РИА Новости.
Мелитополь автомашьына аныԥжәоз дҭахеит украинатәи адиверсант. Анапхгара рдыррала, иҟалаз аԥжәара артҟәацга гәҽанҵарада ахархәара иаыхҟьеит.
Амҽыша ашьыжьгьы ақалақь аҿы атҟәацрақәа аҭыԥ рыман. Асабша адиверсантцәа аҳаирқалақь аҵакыраҿы атрансформатортә станциа маҷ аԥжәара рҽазыршәеит.
Ахалаҟаҵаратә арҭҟәацга амцакра ахылҿиааит, аха астанциа маҷ аусзуҩцәа рхала амца дырцәеит. Убри аан аӡәгьы ԥырхага имоуит.