АҞӘА, жьҭаара 2 - Sputnik. Урыстәыла Аконституциатә ӡбарҭа Аконституциа иақәшәоит ҳәа иазханаҵеит Херсонтәии Запорожтәии аобластқәеи, Донецктәии Лугансктәии Жәлар Рреспубликақәеи Урыстәыла субиект ҿыцқәас ралаларазы аиқәшаҳаҭрақәа, абри азы ақәҵара кьыԥхьуп аӡбарҭа асаит аҟны.
"Урыстәылатәи Афедерациа аилазаарахь Донецктәи Жәлар Рреспублика алаҵарази Урыстәылатәи Афедерациа аилазаараҿы асубиект ҿыц ашьақәгыларази амч змоуц Урыстәылатәи Афедерациеи Донецктәи Жәлар Рреспубликеи рыбжьара жәларбжьаратәи Аиқәшаҳаҭра Урыстәылатәи Афедерациа Аконституциа иақәшәоит ҳәа иазхаҵазааит", - ҳәа аҳәоит Урыстәылатәи Афедерациа аилазаарахь ДЖәР адкыларазы ақәҵара.
Аиԥш зеиԥшу ақәҵарақәа рыдыркылеит ЛЖәРи, Запорожтәии Херсонтәии аобластқәеи рганахьала.
Урыстәыла Аҳәынҭқарратә Дума ҵаҟатәи апалата аиҳабы Виачеслав Володин иҟаиҵаз адыррала, ашәахьа цәыббра 3 рзы дара иахәаԥшраны иҟоуп аконституциатә закәанқәа рахь аиҭакрақәа ралагалареи асубиект ҿыцқәа рзы жәларбжьаратәи аиқәшаҳаҭрақәа аратификациа рзуреи.
Цәыббра 30 рзы Кремль Владимир Путини ДЖәРи, ЛЖәРи, Херсонтәи, Запорожиатәи аобластқәа рхадацәеи Урыстәыла ацакыра ҿыцқәа иахәҭакзарц аиқәшаҳаҭра рнапы аҵарҩит. Убри аан Евроеидгылеи ЕАА аҳәамҭа ҟарҵахьеит урҭ аҵакырақәа рыстатус ҿыц шазхарымҵо.