АҞӘА, жьҭаара 3 - Sputnik. Аԥсны ахада Аслан Бжьаниа Калмыкиа ахада Бату Хасиков дидикылеит, абри атәы аанацҳауеит ахада ипресс-маҵзура.
Аԥсны ахада иазгәеиҭеит Аԥсни Урыстәылатәи Афедерациеи ганрацәалатәи аимадарақәа шрыбжьоу, уи асубиектқәеи ҳареи аимадарақәа, аекономикатә, аиҩызаратә, акультуратә еизыҟазаашьақәа ҳабжьаҳҵар шаҳҭаху.
Калмыкиа ахада иакәзар, Аԥсны Ахада Аслан Бжьаниа иҭабуп ҳәа еиҳәеит аиԥыларазы, иара иазгәеиҭеит Аԥсныҟа иаара хықәкыс ишамоу атуризм, аҵараиура, ақыҭанхамҩа ахырхарҭала аусеицура ахацыркра.
"Сара зҿлымҳара аҭаны сахәаԥшуеит Урыстәыла еиуеиԥшым арегионқәеи ҳфедералтә центри шәареи шәшеиҿцаауа. Шәыгәҭакқәа шырацәоу збоит туризм, алогистика, ақыҭанхамҩа, аҵараиура инамаданы", - иҳәеит Б. Хасиков, Аԥсныҟа ажәалагалақәак иманы дшаазгьы азгәаҭаны.
Аҳәынҭқарра Ахада аҭакс иҳәеит ас еиԥш иҟоу аԥшьгарақәа, аимадарақәа рышьақәыргылара адгылара шриҭо.
Президент Абхазии Аслан Бжания встретился с Главой Калмыкии Бату Хасиковым
© Foto / пресс-служба Президента РА
Аслан Бжьаниеи Бату Хасикови жәларбжьаратәи аҭагылазаашьазы ргәаанагарақәа еибырҳәеит.