АҞӘА, жьҭаара 3 - Sputnik. Аԥсныҟа иаауеит Шаталов ихьӡ зху аклиника аҟынтә арефракциатәии ахәыҷтәи аблаҳақьымцәа, абри атәы аанацҳауеит Агәабзиарахьчара аминистрра апресс-маҵзура.
Рыблабара гәарҭар алшоит фышықәса рҟынӡа зхыҵуа ахәыҷқәагьы.
Аусура иацнаҵоит еиҭаҵуа аблагәаҭаратә центр. Жьҭаара 3-4 рзы уи Тҟәарчалҟа инеиуеит. Ауаа рыдыркылоит асааҭ 9:00 - 17:00 рзы.
Аусбарҭаҿы ирҳәоит ахьҭа злаланы иҟоу апациентцәа шрыдрымкыло. Ацентр аҭаараан ухаҭара шьақәзыргыло ашәҟәы уцзароуп. Заанаҵы ашәҟәы аҽанҵара аҭахым, амаҵзура хәыда-ԥсадоуп.