АҞӘА, жьҭаара 9 - Sputnik. Апассаџьыртәи аидарамҩангаратәи дәыӷбақәа Ҟрымтәи ацҳа иқәсны ицоит абжьааԥнеиԥш, абри атәы аанацҳауеит Урыстәыла Атранспорт аминистрра аофициалтә Telegram-канал.
"Асааҭ 19:00 рзы абри аихамҩа ахәҭаҿы еиҭашьақәыргылахоит ақалақь анҭыҵтәи апассаџьыртә еимадара", - ҳәа ануп адырраҭараҿы.
Иацы ашьыжь Ҟрымтәи ацҳаҿы аидарамҩангага машьына ԥжәеит, уи иахҟьаны амца рыцралеит ааигәа имҩасуаз адәыӷба иацраҳәаз абылтәы зҭаҭәаз ацистернақәа, еилаҳаит автомашьынатә мҩа ахәҭақәа. Аԥжәараан иҭахеит хҩык ауааԥсыра.
Аӷбақәа ахьыҵсуаз ацҳа ахәҭа ԥхасҭамхаӡеит. Аидарамҩангарақәеи апассаџьырмҩангарақәеи реиҿкаараҿы апаром рхы иадырхәалоит. Актәи аидарамҩангаратә дәыӷба Ҟрымынтәи идәықәлеит асааҭ 01:52 рзы, уи абаӷәаза Кавказ ахь инанагеит 16 еидарамҩангаратә автомобили 25-ҩык апассаџьырцәеи. Иахатәи аҵх иалагӡаны апаром х-реиск ҟанаҵеит.