АҞӘА, жьҭаара 10 – Sputnik. Украина аҵакыраҿ имҩаԥгаз аракетатә жәылара ахықәкы нагӡоуп рҳәеит Урыстәыла Атәылахьчара аминистрраҟны.
"Иахьа Урыстәыла арбџьармчқәа ахара икылкааны ихысуа абџьар ала Украина арратә усбарҭатә системақәа, аимадарақәа, аенергетика робиектқәа ааха рыҭан. Ажәылара ахықәкы нагӡоуп", - рҳәеит аусбарҭаҿы.
Иара убасгьы иазгәаҭан Урыстәыла арбџьармчқәа Николаево-Криворогтәи ахырхаҭаҿы х-баталионк украинатә ар ргәыԥқәеи қьырала аибашьцәеи ржәылара шхьарцаз. Иҭархоуп 60-ҩык аибашьцәа, 9 танкк, 16 кәылӡмашьына, 17 автомашьына.