АҞӘА, жьҭаара 11 – Sputnik. Урыстәыла Арбџьармчқәа жьҭаара 11 рзы Украина арра анапхгараҭаратә ргыларақәеи аенергетикатә системеи икылкаан ихысуа абџьар ала аахақәа рыҭан ҳәа аанацҳауеит Атәылахьчара аминистрра.
"Иахьа иацҵоуп Урыстәылатәи Афедерациа Арбџьармчқәа ахара ихысуа абџьар ала Украина арра анапхгараҭаратә ргыларақәеи аенергетикатә системеи ааха рыҭара. Аракетатә жәылара ахықәкы нагӡоуп. Иазԥхьагәаҭаз ахыбрақәа зегьы ааха рыҭоуп", - ҳәа рҳәеит аусбарҭаҿы.
Арратә операциа иалагазар ааха рыҭоуп: 318 ҳаирплан, 160 вертолиот, 2195 аԥырҩы дызҭам аппарат, 379 зенит-ракетатә комплекс, 5639 танки акәылӡмашьынеи, 868 ареактив-систематә машьынақәа, 3465 артиллериеи аминаршәгеи рыхгәыцәқәа, 6483 ак аибашьыга автомобилтә техника.