АҞӘА, жьҭаара 14- Sputnik. Александр Лукашенко Беларуссиа ашәарҭадаратә уснагӡатәқәа зырӷәӷәоу амзыз далацәажәеит, иазгәеиҭеит уи аҳәааҿы аҭагылазаашьа аибарххара ишахҟьо. Абри атәы аанацҳауеит Sputnik Беларусь.
"Ҳҳәаа инаваршәны аҭагылазаашьа аибарххароуп мзызны иҟоу. Асеиԥштәи аҭагылазаашьаан Урыстәылеи Беларуссиеи реидгыла адокументқәа рҟны ишазыԥхьагәаҭоу ала атеррористтә шәарҭадара арежим алагалоуп", - иҳәеит Лукашенко Астана иҟазаараан, Павел Зарубин ипрограмма "Москва. Кремль. Путин" аҟны.
Ахада иҳәеит атәылаҿ ишрылагаз аҽазыҟаҵарақәа. Ар реидгыла иагәыцәны иҟоуп беларуссиатәи ар, урҭ рыҽрыдырхалоит урыстәылатәи аруаа.
"Зегьы аплан ишарбо имҩаԥысуеит ", - иҳәеит иара.
Беларуссиа аконтртеррористтә операциа арежим рылаҳәоуп ҳәа аҳәамҭа ҟаиҵеит адәныҟатәи аусқәа рминистр Владимир Макеи агазеҭ "Известия" аинтервиу аҭо. Макеи иажәақәа рыла, атәыла аҵакыра ахәҭақәак рымпыҵахалара аҟынӡа аҭагылазаашьа ҟалар алшоит ҳәа аинформациа ыҟан.