Сариа Кәарцхьиаԥҳа, Sputnik
Иааиуа амчыбжь беиахараны иҟоуп акультуратә хҭысқәа рыла.
Жьҭаара 18 асааҭ 19:00 рзы Аԥсуа ҳәынҭқарратә театр иазыԥхьагәанаҭоит Нестор Лакоба иԥҳәыс Сариа илызку арежиссиор Мадина Аргәынԥҳа лықәыргыламҭа “Сариа” арбара.
Аҿар ртеатр аҿы жьҭаара 19 асааҭ 19:00 рзы Аҿар ртеатр аҿы иддырбоит аспектакль “Ҳаиҳа иӷәӷәада?”. Апиеса аԥсуа лакәқәа шьаҭаны иамоуп, ахшыҩи агәеилцареи ишрылшо ақәҿиарақәа, аҩызцәа роура.
Алакә анҵәамҭаз иқәыргылоуп азҵаара, зҭак ахәаԥшҩы иҟаиҵар акәу.
Жьҭаара 17 - 18 сааҭ 19:00 рзы РУСДРАМ ахәаԥшыҩцәа иднарбоит аспектакль “Ацынҵәарах” (арежиссиор-ақәыргылаҩ Џьамбула Жорданиа). Ақәыргыламҭа шьаҭас иамоуп еицырдыруа аԥсуа шәҟәыҩҩы Баграт Шынқәба аубыхцәа ирызку ароман.
Жьҭаара 19 сааҭ 19:00 рзы РУСДРАМ аҿы иддырбоит “Аклиникатә хҭыс” (арежиссиор-ақәыргылаҩ Сергеи Ефремов).
Жьҭаара 21 сааҭ 19:00 рзы – “Ҳаџьы-Мураҭ” (арежиссиор Адгур Ақаҩба). Еицырдыруа аҭоурых ахәаԥшҩы иҿыцны идгалоуп.
Жьҭаара 23 асааҭ 19:00 рзы –аспектакль “Кьоџьаа рҭыӡшәа”. Венециатәи адраматург Карло Гольдони икомедиа ықәиргылеит арежиссор Александр Коручеков.
Иааиуа амчыбжь азы иазыԥхьагәаҭоуп ҩ-цәыргақәҵак. АЗХ азал маҷ аҿы жьҭаара 18-21 рзы имҩаԥгахоит Аԥсны абџьар азҟазацәа Реидгыла ацәыргақәҵа.
Акультуратә ҭыԥ SKLAD аҿы жьҭаара 19 - 29 рзы – ацәыргақәҵа “Алада”. Аекспозициа аартхоит асааҭ 13:00 - 20:00 рзы.