АҞӘА, жьҭаара 18 - Sputnik. Урыстәыла ахада Владимир Путин Урыстәыла аҳәаанырцә имҩаԥнаго агуманитартә политика Аконцепциа аԥсахрақәа алеигалеит.
Апункт 94 иалгоуп ареферендум ашьҭахь Урыстәыла иаҵакырахаз Донецктәии Лугансктәии Жәлар Рреспубликақәа. Апункт абри аредакциала ишьақәыргылоуп:
"Аԥыжәара змоу усны иаанхоит акультура, аҭҵаарадырра, аҵарадырра, аҿартә политика, аспорт, атуризм русхк аҟны ҩ-ганктәи аусеицура Урыстәылеи ИАР атәылақәеи, Аԥсны Аҳәынҭқарреи, Аахыҵ Уаԥстәыла Ареспубликеи рыбжьара".
Цәыббра 5 рзы Владимир Путин аҳәаанырцә Урыстәыла агуманитартә политика Аконцепциа ашьақәырӷәӷәараз аусԥҟа инапы аҵеиҩит.
Адокумент аҟны иаҳәоит аԥыжәара змоу усны иаанхоит Урыстәылеи ИАР атәылақәеи, Аԥсны Аҳәынҭқарреи, Аахыҵ Уаԥстәыла Ареспубликеи рыбжьара аусеицура ҳәа.