Аекспонат ҵарқәа: Аԥсны абџьарҟаҵаҩцәа Реидгыла рцәыргақәҵа

Асахьаҭыхыҩцәа-абџьарҟаҵаҩцәа Реидгыла "Х-напы" аԥҵан 2021 шықәсазы. Аидгыла ахантәаҩы Ҭемыр Ӡиӡариа иазгәеиҭеит ацәыргақәҵахь инагоу аусумҭақәа ашықәс аҩнуҵҟа иаԥҵаз шракәу, иҳәеит акомиссиа алахәылацәа ишалыркаауа усумҭак-усумҭак. Урҭ нас Аидгыла афонд иаланы еиуеиԥшым ацәыргарақәа ишрылахәхо, иара убас Аԥсны анҭыҵгьы.

"Ари ацәыргақәҵаҿ ихадараны иҟоу амаҭәар рацәа ахьаарԥшу ауп – аихақәа, аҳәақәа, алабашьақәа, аҳәызбақәа, аибашьыгатәқәа реиԥш ашәарыцагатә, акҿаҩратә ҟазшьа змоу. Ҳара аиха аус анадаҳуыло абџьар ззырхоу ҳазхәыцӡом. Ихадоу ишыҟаҵо ауп", - иҳәеит Ҭемыр Ӡиӡариа.

Аԥсны асахьаҭыхыҩцәа-абџьарҟаҵаҩцәа Реидгыла рыҳасабырбатә цәыргақәҵа аартызаауеит жьҭаара 21 нӡа.

1 / 14

Аԥсны асахьаҭыхыҩцәа-абџьарҟаҵаҩцәа Реидгыла "Х-напы" рыҳасабырбатә цәыргақәҵа аатит Аҟәа ацәыргақәҵатә зал хадаҿы.

2 / 14

Зегь раасҭа зықәра маҷу ацәыргақәҵа алахәыла ААУ астудент Аинар Шьынқәба. Иара ацәыргақәҵахь иааигеит аԥсуа ҳәызбақәа хԥеи рыҭрақәеи. Аҳәызбаҭрақәа асахҭани акакани ирылхуп, аҳәызбахәқәа аебонит иалхуп.

3 / 14

Аацәыргақәҵахь инагоу зегьы 2022 шықәсазы иаԥҵоу аусумҭақәа роуп.

4 / 14

Аҭааҩцәа хәыҷәа зегь реиҳа ргәы иақәшәаз аҟамақәа роуп.

5 / 14

Адуцәагь рхырҿқәа ирныубаалон ацәыргақәҵа шыргәаԥхаз.

6 / 14

Аусумҭақәа зегьы здаҟамыз роуп, зегьы напылаҟаҵароуп.

7 / 14

Аҟаза усумҭак аҟаҵара мчыбжьык ма инеиҳаны дадхалоит. Иҟоуп мызкгьы дыздхало иҟаиҵо аусумҭа зеиԥшроу еиԥш.

8 / 14

Аҭыԥҳацәагь абџьар аинтерес рызцәырнагеит.

9 / 14

"Ҳара аиха аус анадаҳуыло абџьар ззырхоу ҳазхәыцӡом. Ихадоу ишыҟаҵо ауп", - иҳәеит Аидгыла ахантәаҩы Ҭемыр Ӡиӡариа.

10 / 14

Акомиссиа иалырхуеит ацәыргақәҵа иалахәу русумҭақәа акака.

11 / 14

Анаҩс Аидгыла афонд ахь ииасуеит, еиуеиԥшым ацәыргақәҵақәа ирылахәхалоит, иара убас Аԥсны анҭыҵгьы.

12 / 14

Ацәыргақәҵаҿ ицәырган еиуеиԥшымыз абџьар хкқәа, аихақәа, аҳәақәа, алабашьақәа, аҳәызбақәа, аибашьыгатәқәа реиԥш ашәарыцагатә, акҿаҩратә ҟазшьа змоу уҳәа.

13 / 14

Ацәыргақәҵатә зал хада аиҳабы Ельвира Арсалиаԥҳа лгәаанагарала, ари ацәыргақәҵа ареспублика акультуратә ԥсҭазаараҿы акрызҵазкуа хҭысуп.

14 / 14

Аԥсны асахьаҭыхыҩцәа-абџьарҟаҵаҩцәа Реидгыла рыҳасабырбатә цәыргақәҵа аартызаауеит жьҭаара 21 нӡа.