АҞӘА, жьҭаара 20 – Sputnik. Сынтәа активла Аԥсны аҿиара иалагеит атуризм ахк ҿыцқәа– автотуризми глемпинги ҳәа арадио Sputnik иазеиҭеиҳәеит ареспублика Атуризм аминистр ихаҭыԥуаҩ Дмитри Занҭариа.
Уи адагьы иҿио иалагеит атәыла мрагыларатәи ахәҭаҿы атуристтә инфраструктура.
"Аԥсны мрагыларатәи ахәҭаҿы рыргылара иаҿуп 13 санатор-курорттә хыбрақәа. Ари рбага бзиоуп. Активла иҿиоит Тҟәарчали Очамчыреи рраионқәа, ҵыԥх Тамышь ақыҭан иргылан атуристтә ргылара ", - ҳәа иҳәеит Занҭариа.
Уи адагьы атәыла ари ахәҭаҿы амҩақәа еиҭашьақәдаргылеит, лашарала еиқәдыршәеит, иазԥхьагәаҭоуп аҳаирбаӷәаза аартра.
Аминистр ихаҭыԥуаҩ иажәаәқ арыла арҭ зегьы атуристцәа адрыԥхьалоит.
Дмитри Занҭариа иҳәеит адунеи аҿы агеополитикатә ҭагылазаашьа инадҳәаланы сынтәа атуристтә аамҭа цәгьамкәа ишымҩаԥысыз.
"Ахәқәа шышьҭыҵызгьы Аԥсны аԥсшьареи амаҵзурақәеи ахьуоуа, хәԥсала иҳаракым ҭыԥуп", - ҳәа иҳәеит иара.
Иара убасгьы Аԥсны маншәалоуп атурист аамҭа рацәа ақәмырӡкәа аҭыԥ ԥшӡаррақәа зегьы ибар ахьалшо.
Занҭариа иҳәеит атәыла аӡыргара шаҭаху, еиҳа иқәыԥшу атуристцәа шадыԥхьалалатәу. Убри азын Атуризм аминистрра агәы иҭоуп аинтернет-блогерцәа Аԥсныҟа рааԥхьара.