Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

2022 шықәсазы "иаку абилеҭ" ала Аԥсныҟа иааит ԥшь-нызқьҩык рҟынӡа ауаа

© Sputnik / Владимир Трефилов / Амедиаҵәахырҭахь аиасраАвтобус единой транспортной системы.
Автобус единой транспортной системы. - Sputnik Аҧсны, 1920, 01.10.2022
Анапаҵаҩра
НовостиTelegram
"Иаку абилеҭ" ала Аԥсныҟа аԥсшьаҩцәа раагара хыркәшахеит цәыббра 30 рзы.
АҞӘА, жьҭаара 1 – Sputnik. 2022 шықәсазы "иаку абилеҭ" ала Аԥсныҟа иааит ԥшь-нызқьҩык рҟынӡа ауаа, арҭ арбагақәа ҩынтә еиҳауп ҵыԥхтәиқәа раасҭа. Абри атәы лҳәеит "Иаку атранспорттә дирекциа" апресс-маӡаныҟәгаҩ Викториа Шестакова.

"Аԥсшьаҩцәа реиҳарак (48%) Пицунданӡа иаауан. Аҩбатәи ахырхарҭа - Гагра, уи 28% атуристцәа иалыркааит.

"Иаку абилеҭ" ала аԥсшьаҩцәа мҩаныргоит Адлертәи адәыӷбаангыларҭеи Шәачатәи аҳаирбаӷәазеи рҟынтә Аԥсны ақалақьқәа хәба: Гагра, Пицунда, Гәдоуҭа, Афон ҿыц, Аҟәа рахь имҩаԥысуан мшаԥы 30 инаркны цәыббра 30 рҟынӡа. 2022 шықәсазы аҵыхәтәантәи ареис Аҟәантәи Шәачаҟа идәықәлеит 16:00 сааҭ рзы.
Аԥсны ада, "иаку абилеҭ" ала атуристтә хырхарҭақәа: ашьхашәҩатә курортқәа - Домбаи, Архыз, Ельбрус амҵан, Кемеровтәи аобласт иҟоу Шерегеши Таштаголи, Калининградтәи ахырхарҭа - Светлогорск, Морское, Иантарное, Вологодскаиа аобласт - Белозерски Кириллови, Удмуртиатәи Ареспублика рҭааразы алшара ыҟоуп.
Ажәабжьқәа зегьы
0