АҞӘА, жьҭаара 21 - Sputnik. Урыстәыла ахада Владимир Путин Риазантәи аобласт аҿы иҟоу Мраҭашәаратәи арратә округ ахысырҭаҭыԥ даҭааит, амобилизациа иаҵанакыз рҽазыҟаҵарақәа рымҩаԥысшьа гәеиҭаразы. Абри атәы аанацҳауеит Кремль асаит.
"Амобилизациа иаҵанакыз еиуеиԥшым арратә занааҭқәа рыҽшырзыҟарҵо атәы урыстәыла ахада изеиҭеиҳәеит Атәылахьчара аминистр, ар реинрал Сергеи Шоигу", - аҳәоит адырраҭараҿы.
Урыстәыла Арбџьармчқәа рыдҵаҟаҵаҩ хада атактикатә, ахысратә, анџьныртә, амедицинатә зыҟаҵарақәа ахьымҩаԥысуаз дырҭааит, агәаҭарақәа мҩаԥигеит.
Уи адагьы Путин даҭааит ахырхарҭарацәа змоу ахысырҭатә комплекс. Уа аԥышәа змоу адҵаҟаҵаҩцәеи амҩақәҵаҩцәеи рнапхгарала аҽазыҟаҵарақәа мҩаԥысуан. Атәыла ахада имчқәа ԥишәеит, аснаипертә винтовка СВД ала дхысит.