АҞӘА, жьҭаара 24 – Sputnik. Ихыркәшоуп афильм "Аҵыхәтәантәи ахәԥса" акиностудиа "Ленфильм" Аԥсны имҩаԥнагоз аҭыхрақәа ҳәа арадио Sputnik иазеиҭеиҳәеит афильм арежиссиор Наур Гармелиа.
Асценарист, арежиссиор Наур Гармелиа иажәақәа рыла, афильм асиужет ҳаԥсҭазаара аҟынтә иаагоуп. 2000-тәи ашықәсқәа раан Аԥсны инхоз аурыс ҭаацәара ирҭоурыхуп.
"Афильм аԥхьарбара акиностудиа "Ленфильм" иазгәанаҭоит 2023 шықәсазы. Ҳаԥхьаҟа амонтаж, аԥшәхәы акоррекциа мҩаԥгатәуп. Сгәанала ашықәс нҵәаанӡа ихыркәшахоит", - ҳәа иҳәеит Гармелиа.
Гармелиа иара убасгьы афильм асценаристс дыҟан. Акиносахьа "Аҵыхәтәантәи ахәԥса" аҭыхрақәа мҩаԥысуан 21 мшы. Аҭыхрақәа рзы Урыстәылантәи Аԥсныҟа иааит ԥшьҩык актиорцәа, егьырҭ зегьы аҭыԥантәиқәа ракәын.