АҞӘА, жьҭаара 25 - Sputnik. Агәаҭаратә ҭыԥ "Ԥсоу" аҟны аконтрабандеи аҳазатә зинеилагареи рҿагыларазы аҟәша аусзуҩцәа Пицундатәи адәқьан аҟынтә ақырҭуа символика зныԥшуа атауар ықәыргеит ҳәа аанацҳауеит Аҳазалхратә еилакы апресс-маҵзура.
Аԥсны злаку Қырҭтәыла ахсаала адыргақәҵаҿ изныз 38 банка ахаш зҭаз аконсервқәа ықәган.
Атауар аҳазалхартә закәанԥҵара еилаганы атәылахь иааган. Административтә зинеилагараз аматериалқәа нашьҭуп Аҳазалхратә еилакы аҳазатә ҭҵаарақәеи аилкаарақәеи рыҟәшахьы.