АҞӘА, жьҭаара 27 - Sputnik, Асмаҭ Ҵәыџьԥҳа. Аԥсны Апарламент "2022 шықәсазтәи ареспубликатә биуџьет азы" Азакәан аԥсахрақәа аланагалеит ахԥатәи, аҵыхәтәантәи аԥхьарала.
Аԥсахрақәа инарықәыршәаны 2022 шықәсазтәи алагалақәа 12 150 159,7 н.м., аныхрақәа - 13 655 193,2 н.м. ыҟоуп.
Абиуџьет адефицит - 1 505 033,5 н.м.
Ареспубликатә биуџьет азеԥш лагалақәа 2022 шықәсазы 9 763 649,9 н.м.ҳәа ишьақәырӷәӷәан (Урыстәылатәи афинанстә цхыраара - 4 158 187,9 н.м.).
2020-2022 шықәсазтәи Аинвестпрограмма аҳәаақәа ирҭагӡаны абиуџьет аинвистициақәа ирзырхоуп 1 350 000,0 н.м. 2022-2025 шықәсазы аекономикеи асоциал-економикатә программа адгылареи ирзоужьуп - 200 000,0 н.м.
Апарламентарицәа ишьақәдырӷәӷәеит ареспубликатә биуџьет 2022 шықәсазтәи ахышәаҵышәа 10 995 626,4 н.м. ҳәа.
Ареспубликатә биуџьет адефицит 2022 шықәсазы 1 231 976,5 н.м. ҳәа иԥхьаӡоуп. Убри аан акредитқәа рзы ареспубликатә ҩнуҵҟатә уал хыхьтәи аҩаӡара 552 000,0 тн.м ыҟоуп.
Аиҭакрақәа рҳәаа иҭагӡаны ишьақәырӷәӷәоуп ареспубликатә ҩнуҵҟатә ԥсахрақәа рыпрограмма 552 000,0 н.м. ҳәа.