АҞӘА, жьҭаара 27 - Sputnik. Аҳазалхратә еилакы сынтәа Аԥсныҟа анаркотикқәа ралагаларазы 20-ҩык ныркылахьеит, аилагарақәа раарԥшраз арҭ арбагақәа лҵшәа бзиоуп ҳәа арадио Sputnik иазеиҭеиҳәеит Аилак ахантәаҩы актәи ихаҭыԥуаҩ Алиас Лабахәуа.
Иара иажәақәа рыла, 2022 шықәсазы аҳазалхратә ԥҟарақәа раарԥшра аус рӷәӷәан. Убас, 2022 шықәсазы жәымз рыҩнуҵҟа азинеилагарақәа рзы 204 ус хацыркуп, 2021 шықәсазы – 92 ус.
Иреиҳау рбаганы Лабахәуа рыӡбахә иҳәеит анаркотикатә маҭәашьарқәа ареспубликахь ралагалараз ихацыркыз 20 ус.
Ари алыршахеит анапхгареи, Аилак ахь инеиз азинхьчаратә усбарҭақәа рҿы аԥышәа змоу аусзуҩцәа ҿыцқәеи ҳәа азгәеиҭеит Лабахәуа.