АҞӘА, жьҭаара 27 - Sputnik. Херсони Николаевтәи аобластқәа рҿы УАМ аруаа ржәыларақәа урыстәылатәи аруаа иааныркылеит, абри атәы аанацҳауеит Атәылахьчара аминистрра.
"УАМ атактикатә гәыԥқәа рротақәа ҩба урыстәылатәи аруаа ирыжәлеит Херсонтәи аобласт Малаиа Александровка араиони Николаевтәи аобласт Терновые Поды рааигәара. Аӷа ижәылара мцаԥшьла еиԥҟьан. УАМ аруаа шьҭахьҟа иԥхьацан", - рҳәеит аусбарҭаҿы.
Иҭархоуп 60-ҩык аӷа ируаа, акәылӡмашьынақәа 6, автомашьынақәа 7.
Уи адагьы ажәылара аанкылоуп ЛЖәР Червонопоповка ааигәара.
Купиантәи ахырхарҭаҟны УАМ аротатә тактикатә гәыԥқәа ҩба Харковтәи аобласт аиланхарҭақәа Николаевкеи Орлианкеи рҿы ижәылеит, аха урҭгьы қәҿиарала иԥхьацан.