АҞӘА, жьҭаара 28 - Sputnik. 2025 шықәсазы Гагра ӡыла аиқәыршәара апроблема ӡбахоит ҳәа арадио Sputnik иазеиҭеиҳәеит араион ахада ихаҭыԥуаҩ Адамыр Ҵышәба.
"Аинвестпрограммала аусурақәа мҩаԥысуеит. Уажәы аиҿыгаратә система шьҭарҵоит. Лассы ахархәарахь ирыҭахоит. 2023-20225 шықәсазтәи Аинвестпрограмма иаҵаркуп аӡымҩангага апроект. Уа аусурақәа рымҽхак ҭбаауп. Анцәа иҳаиҭар, 2025 шықәсазы Гагра аӡазы проблема ҟалом", - иҳәеит иара.
Уаанӡа араион ахада Иури Ҳагәышь иҳәахьан 2023-2025 шықәсазтәи Аинвестпрограммала Гагра ӡыла аиқәыршәареи 4000, 2000 кубометр иҟоу аӡеизгарҭақәа рыргылареи ирзоужьуп 150 миллион мааҭ ҳәа.