АҞӘА, жьҭаара 30 - Sputnik. Ҩынҩажәижәаҩык урыстәылатәи аруаа дырхынҳәит Украина иахьдырбаандаҩыз аҭыԥ аҟынтәи, абри атәы аарыцҳаит Урыстәылатәи Афедерациа Атәылахьчара аминистрраҟны.
"Жьҭаара 29 рзы аиҿцәажәарақәа ирыбзоураны киевтәи арежим анапаҵаҟа иҟоу аҵакыраҟынтә рхы иақәиҭтәын 50-ҩык урыстәылатәи аруаа, урҭ уа иахьыҟаз иршьуеит ҳәа ашәарҭара ыҟан", - рҳәеит аминистрраҿы.
Иара убас иазгәарҭеит Урыстәыла Арра-космостә мчқәа рырра-транспорттә авиациа иатәу аҳаирпланқәа рыла урҭ аруаа Москваҟа инаган Урыстәылатәи Афедерациа Атәылахьчара аминистрра амедицинатә усбарҭақәа рҿы аҽыхәшәтәреи ареабилитациеи иахысразы.