АҞӘА, жьҭаара 31 - Sputnik. Урыстәылауаа аррамаҵурахьы рнаԥхьара иадҳәалоу аусмҩаԥгатәқәа хәҭа-хәҭалатәи арратә ҽеизакра аҳәаақәа ирҭагӡаны иаанкылоуп ҳәа адырра ҟанаҵоит Урыстәыла Атәылахьчара аминистрра.
Аусбарҭа ахала Сергеи Шоигу арратә округақәа рырхәҭақәеи Аҩадатәи афлоти рыдҵаҟаҵаҩцәа адҵа рзицҳаит абҵара 1 аҟынӡа адырра ирҭарц хәҭа-хәҭалатәи арратә ҽеизакра шхыркәшоу азы.
"Абарҭ адҵақәа инарықәыршәаны арратә комиссариатқәеи Урыстәылатәи асубиектқәа рынагӡаратә усҳәарҭақәеи еицхырааны имҩаԥыргаз ԥхьатәара иҟоу Урыстәыла атәылауаа аррамаҵурахьы рнаԥхьара иадҳәалоу аусмҩаԥгатәқәа хыркәшоуп", - аҳәоит адырраҭараҿы.
Арранаԥхьаратә шәҟәқәа разыҟаҵареи рыҭареи хыркәшоуп, атәылауаа адырра рыҭара, реизгара иазку уҳәа егьырҭ хәҭа-хәҭалатәи арратә ҽеизакразы хархәара зыҭаз ахыбрақәа уаанӡа изызкыз еиҭазыркуеит.
Адырра ҟарҵоит наҟ-наҟ акомиссариатқәа русура , что в дальнейшем работа военных комиссариатов будет Аԥхьаҟа арратә комиссариатқәа аррамаҵурахьы ирыдыркылалоит ахатәгәаԥхаҩцәеи еилаӡарала инеиуеи.
Сергеи Шоигу хәҭа-хәҭалатәи аҽеизакразы ауснагӡатәқәа хыркәшоуп ҳәа аҳәамҭа ҟаиҵахьан. Иара убас иара иҳәеит аҽазыҟаҵарақәа рышьҭахь афронт ахь ишдәықәҵаз 82 нызқьҩык, макьаназы аҽазыҟаҵарҭатә ҭыԥқәа рҟны 218 нызқьҩык шыҟоу.