АҞӘА, абҵара 7 - Sputnik. АЦә "Аҽгәара" аҿы абҵара 8 рзы алашара дырцәоит ҳәа аанацҳауеит "Амшынеиқәафымцамч" апресс-маҵзура.
Алашара ҟалом асааҭ 11:00 инаркны асааҭ 17:00 рҟынӡа.
Ииасыз амчыбжь, абҵара 1 азы авольтҳарак-цәаҳәа "Аҽгәара" ааха аиуит, уи иахҟьаны Аԥсны ахәҭак лашарада иаанхеит.
Аекономика аминистр Кристина Озган лажәақәа рыла, иҳараку авольттә цәаҳәа "Аҽгәара" шьаҭанкылатәи арҽеиратә усурақәа ҿҳәарас иарбан абҵарамза 15-нӡа, аха аԥсуа ган иадҳәалам атехникатә мзызқәа ирхырҟьаны, хықәкыла урыстәылантәи иаауаз алашара аԥкрақәа аларгалеит. Лара илҳәеит алашара аашьҭра шаанкылахаз еилаӡарыла, ԥыҭрак анаҩс ҩаԥхьа ишаарышьҭуа азы.
Аԥыза-аминистр ихаҭыԥуаҩ илҳәеит уи иахҟьаны 32 км рыԥсахран иахьыҟаз 24 км шакәу иԥсаху. Аҩбатәи амзыз ҳәа иазгәаҭахеит аенергетикцәа имҩаԥгаз аусурақәа ргәаҭара иахьахьымӡаз, акы иазымԥшкәа алашара оурышьҭыр ахьакәхаз.