АҞӘА, абҵара 15 – Sputnik. Аԥсны атуризм аминистрра Sputnik аинформациа анаҭеит сынтәа Риҵеи Афонтәи аҳаԥи заҟаҩ рҭааз азы.
Ажьырныҳәа 1 инаркны абҵара 10 рҟынӡа Риҵатәи амилаҭтә парк иаҭааит 619 297-ҩык, арҭ арбагақәа еиҵоуп ииасыз ашықәстәи раасҭа, ари аамҭазы 2021 шықәсазы Риҵа иаҭааит - 701 718-ҩык.
Арҭ аҭыԥ ԥшӡарақәа рҭааразы ахәқәа ахьышьҭыхыз азы 2022 шықәсазы афеида иартәеит 396,1 миллион мааҭ, ҵыԥх - 236,2 миллион мааҭ.
Ажьырныҳәа 1 инаркны абҵара 10 рҟынӡа 2022 шықәсазы Афонтәи аҳаԥы иаҭааит 386 788-ҩык, 2021 шықәсазы - 422 232-ҩык.
2022 шықәсазы аҳаԥы ахашәала 264,04 миллион рыла еиҳахеит, 2021 шықәсазы - 210,8 миллион мааҭ.