АҞӘА, абҵара 17 - Sputnik. Аҟәатәи аделегациа Краснодар рыҟазаараан атурист аалыҵқәа ӡырыргеит ҳәа аанацҳауеит аҳҭнықалақь ахадара асаит.
"Ҳара иӡыраагеит ҳгәаанагарала Краснодари Краснодартәи атәылаҿацәи руааԥсыра аинтерес роуп ҳәа иаҳшьаз, Аҟәеи Аԥсни рахь рхьарԥшразы, аԥхынра анаҩс егьырҭ аамҭақәа рзгьы аԥсшьара ргәазырԥхаша", - ҳәа иҳәеит аделегациа алахәыла, Аҟәа ахада ихаҭыԥуаҩ Леон Кәарҷиа.
Аӡыргараҿ иҟан аҩытә турқәа, адинхаҵаратә турқәа, аиогеи аекои-турқәа. Кәарҷиа иажәақәа рыла аус рыдырулоит ҷыдала аус зыдулоу аԥсабараҟны шьапыланыҟәаратә турқәа рхырхарҭақәа.
Иара иҳәеит хықәкы хаданы ирымаз аамҭабжьаратә аамҭазы ақалақь аекономикатә активра шакәу. Кәарҷиа иҳәеит Краснодартәи атурбизнесалахәылацәа ирыдгалаз рганахь ала аинтерес шаадырԥшыз.
Ақалақьқәа еиқәшаҳаҭхеит Аҟәа иазку аинформациа атурист-информациатә центр ахархәарала аларҵәараз.
"Ари аинформациа иаку атурист-информациатә центрқәа рыла Урыстәылатәи Афедерациа иаҵанакуа 80-қалақь ирыҭахоит", - ҳәа иҳәеит Кәарҷиа.
Иара убасгьы иазгәеиҭеит асеиԥш иҟоу аусурақәа шымҩаԥсуа Аҟәа аиашьаратә қалақәқәа - Нижни Новгород, Брианск, Ростов, Чебоксары рҟынгьы.