АҞӘА, абҵара 17 - Sputnik. Амилаҭтә банк ахархәараз иҭнажьит зыхә ҳаракым аметалл иалхәу агәаларшәагатә ԥараҿырпы "Аԥсны Аҳәынҭқарра аҭыԥ ԥшӡарақәа", абри атәы аанацҳауеит абанк апресс-маҵзура.
Аԥараҿырпы еилаҵоу аматериал "пламет" иалхуп, аҩнуҵҟатәи аган аҿы Аԥсны аҭыԥ ԥшӡарақәа – аӡиа Риҵа, Афонтәи ауахәама, ақьафурҭа "Гагрыԥшь", Гагратәи абаҟәеибаркыра, Пицунда уҳәа иԥшшәыркны рсахьа ануп.
Адәныҟатә кәырша алиумин иалхуп. Аԥараҿырп агәҭаӡа - 33 миллиметра иҟоуп.
Аалыҵ акапан - 4 граммк, ахәԥсаҵәҟьа – аԥсарк. Иҭыжьуп 25 нызқь цыра.