АҞӘА, абҵара 22 – Sputnik. 3,4 млн мааҭ зыхәԥса тәо 12 проект мҩаԥгахоит Аҟәа араион аҟны ақыҭанхамҩа аҿиара апрограммала. Абри атәы аанацҳауеит араион ахадара апресс-маҵзура.
Апроектқәа мҩаԥгахоит Аҩада Ешыра, Алада Ешыра, Иашҭхәа, Ӡыгәҭа ақыҭақәа рҿы. Еиҭаҳахоит абҳәа, афеихо, амандаринақәа, 9,7 гектар ажь.
Акартош алаҵара иазку апроект мҩаԥгахоит Ԥсҳәы ақыҭаҿы.
Аԥаразоужьра мҩаԥнагоит ариаон абиуџьет аҟынтә.