АҞӘА, абҵара 22- Sputnik. Тҟәарчалтәи араионтә џьармыкьа аиҭашьақәыргылара актәи ахәҭа мҩаԥгахоит ҳәа иҳәеит Аԥсуа телехәаԥшраҿы араион ахада Исидор Дочиа.
Актәи ахәҭа аусурақәа рхарџьынҵа 20,8 млн мааҭ иҟоуп. Аусурақәа рылагара алшеит Риҵатәи апарки Афонтәи аҳаԥи ииасыз ашықәс азы араион 10-10 миллион мааҭ ахьарҭаз инамаданы.
Исидор Дочиа иажәақәа рыла аусурақәа хыркәшахоит иааиуа ашықәс хәажәкыра-мшаԥы амзақәа рҟынӡа. Аџьармыкьа аҩнуҵҟа 150 ҭыԥ рҟынӡа иҟалоит.
Иааизакны аргылара азеиԥш хәыԥса 45 млн мааҭ артәоит.