АҞӘА, абҵара 27 - Sputnik. Урыстәыла арбџьармчқәа Алада-Донецк ахырхарҭаҟны, Новомихаиловк, Павловк и Шевченко рраионқәа рҟны украинатәи аруаа ржәылара аԥдырҟәҟәааит, иҭархоуп 10 ак техника, украинатәи аруаа 60-ҩык рҟынӡа хәуп ма ишьуп, абри атәы аанацҳауеит Урыстәыла атәылахьчара аминистрра.
Атәылахьчара аминистрра адыррақәа рыла, украинатәи ар ирцәыӡыз Алада-Донецк ахырхарҭаҟны, Новомихаиловк, Павловк и Шевченко рраионқәа рнапахьы иааргарц рҽазыршәеит.
"Артиллериа ажәылара иабзоураны аӷа дхьацоуп. Иҭархоуп ма ихәуп 60-ҩык рҟынӡа украинатәи аруаа, аибашьыгатә машьына, акәылӡмашьынақәа фба, автомашьынақәа хәба", - рҳәеит атәылахьчара аминистрраҟны.
Ииасыз уахыки-ҽнаки рыла Урыстәыла Аҳауаҿагыларатә мчқәа иҭадырхеит РАЗО HIMARS ахгәыцәқәа ҩба, Excalibur снариадк, Запорожиетәи аобласт аҟны иеилаԥырыххааит аракета-артиллериатә бџьари аџьаԥҳани рышьҭаҵарҭақәа ԥшьба.
Урыстәыла атәылахьчара аминистрра адыррақәа рыла, арратә аоперациа иалагазар ааха рыҭоуп: 333 ҳаирплан, 177 вертолиот, 2654 аԥырҩы дызҭам ахархәагақәа, 390 зенит-ракетатә комплекс, 6848 атанкқәеи акәылӡмашьынақәеи, 904 ареактив-систематә машьынақәа, 3620 артиллериеи аминаршәгеи рыхгәыцәқәа.