АҞӘА, ԥхынҷкәын 1 - Sputnik. Аиҿцәажәарақәа ирыбзоураны 50-ҩык урыстәылатәи аруаа Украина иҭҟәаны ирымаз рхы иақәиҭуп, абри атәы аарыцҳаит Урыстәыла Атәылахьчара аминистрраҟны аԥшьаша.
"Ԥхынҷкәын акы азы имҩаԥгаз аиҿцәажәарақәа ирыбзоураны киевтәи арежим иаҵанакуа адгьылҵакырантәи рхы иақәиҭуп зыԥсҭазаара ашәарҭа иҭагылаз 50-ҩык урыстәылатәи аррамаҵурауаа", - ҳәа рҳәеит аусбарҭаҿы.
Урыстәыла арра-транспорттә авиациа аҳаирпланқәа рыла Москваҟа иаагахоит Украина итҟәаны иҟаз урыстәылатәи аруаа рыхәшәтәреи ргәабзиара ашьақәыргылареи рзы.