АҞӘА, ԥхынҷкәын 1 - Sputnik, Асмаҭ Ҵәыџьԥҳа. Урыстәыла Аҳәынҭқарратә Дума аиҳабы Виачеслав Володин Аҟәа, Ахьӡ-аԥша апарк аҿы ашәҭшьыҵәрақәа шьҭеиҵеит.
Аусмҩаԥгатә иалахәын Аԥсны Жәлар Реизара аиҳабы Лаша Ашәба, Аԥсны иҟоу Урыстәыла ацҳаражәҳәаҩ Михаил Шургалин, Аҳәынҭқарратә Дума аделегациа ахаҭарнакцәа.
Урыстәыла Аҳәынҭқарратә Дума аиҳабы Виачеслав Володин Аԥсны официалла даҭааит ԥхынҷкәынмза акы азы. Володин дызҭатәаз авертолиот Владислав Арӡынба ихьӡ зху Аҟәатәи жәларбжьаратәи аҳаиртә баӷәазаҿы итәеит.